मकवानपुरको हेटौंडा उपमहानगरपालिका–१९ स्थित बासुदेव खोलाले बगाउँदा विद्यालयबाट घर फर्कँदै गरेका चार जना विद्यार्थीमध्ये एक जनाको मृत्यु भएको छ भने अन्य तीन जना बेपत्ता भएका छन्।
स्थानीय बासिन्दाका अनुसार मंगलबार विद्यालय छुट्टी भएपछि घर फर्कने क्रममा उनीहरूलाई बाढी आएर बासुदेव खोलाले बगाएको हो । बगाएका सबै विद्यार्थीहरू हेटौंडा–१९ स्थित निर्मल माध्यमिक विद्यालयमा कक्षा ५ भन्दा मुनि अध्ययनरत थिए ।
खोलाले बगाएका विद्यार्थीहरूमध्ये एक जनाको शव फेला परेको छ। बेपत्ता भएका अन्य तीन जना विद्यार्थीहरूको खोजीका लागि नेपाल प्रहरी, सशस्त्र प्रहरी, खोज तथा उद्धार टोली र स्थानीय बासिन्दाहरू निरन्तर खटिरहेका छन् ।
अपडेट ::
मकवानपुर प्रहरीका अनुसार बासुदेव खोलाले बगाएका विद्यार्थीहरूको विवरण यसप्रकार छ:
रेश्मा स्याङ्तान (मृत फेला): कक्षा २ मा अध्ययनरत उनी बासुदेव क्षेत्रकै निवासी हुन् । उनको शव विद्यालयभन्दा करिब ३ किलोमिटर उत्तरतर्फ फेला परेको हो ।
सुमित्रा भोलन (बेपत्ता): खोलाले बगाएर हालसम्म फेला नपरेकी र खोजी कार्य जारी रहेकी विद्यार्थी ।
विनिता भोलन (बेपत्ता): बाढीमा परी हराइरहेकी अर्की छात्रा।
सिमा भोलन (बेपत्ता): खोलाले बगाएर खोजी भइरहेकी तेस्रो विद्यार्थी ।