प्रधानमन्त्री वालेन्द्र शाहले प्राविधिक पृष्ठभूमिका सांसदहरूलाई पार्टी राजनीतिभन्दा माथि उठेर आफ्नो ज्ञान, सीप र अनुभव दीर्घकालीन नीति तथा नयाँ विचार निर्माणमा लगाउन आग्रह गर्नुभएको छ।
सिंहदरबारमा आयोजना गरिएको प्रतिनिधिसभाका प्राविधिक सांसदहरूसँगको छलफलमा उहाँले राजनीतिक गतिविधि निर्वाचनको समयमा सीमित राखी अन्य समयमा मुलुकको समृद्धि र विकासका लागि प्राविधिक दक्षताको अधिकतम उपयोग गर्न सुझाव दिनुभयो ।
सांसदहरूलाई ‘असाधारण’ व्यक्तिको संज्ञा दिँदै प्रधानमन्त्री शाहले नयाँ उपाय र सोचका साथ काम गरे पाँच वर्षमै देशको मुहार फेर्न सकिने धारणा व्यक्त गर्नुभयो ।